Dzoraget Hydro: Cooperation and Investment Possibilities
45000 մասնակիցներ, ավելի քան 1000 ներդրողներ, աշխարհի առջև ծառացած դժվարագույն խնդիրները լուծելու համար նոր տեխնոլոգիաներ կիրառող տեսլականներ, տեխնոլոգիական ձեռնարկությունների ինժեներներ, ովքեր լուծումներ են առաջարկում՝ հարստացնելով մեր կյանքի բոլոր ոլորտները:
Այստեղ ներկայացված է ավելի քան 90 երկիր. սա այն վայրն է, որտեղ գլոբալ տեխնոլոգիական էկոհամակարգը հատվում է ներդրումների, նորարարությունների ու տաղանդների հետ։ London Tech Week 2024 համաժողովին ներկայացված էին նաև ՁորաՀԷԿ-ի ներդրումային հնարավորությունները, համագործակցության առաջարկներըն ու զարգացման հեռանկարները։
Հունիսի 10-ին՝ համաժողովի բացման օրը, մասնակիցներին բաժանվեց “Dzoraget Hydro: Cooperation and Investment Possibilities” տեղեկատվական բուկլետը, ուր զետեղված էին ՁորաՀԷԿ-ի ստեղծման հակիրճ պատմությունը, տեխնիկական բնութագրերը, սարքավորումների նկարագրությունը, ներդրումային գրավչությունը։
Բացի այդ, 2024 թվականի հունիսի 12-ին «Միացյալ Թագավորություն՝ աճի ցատկահարթակ» խորագրով միջոցառման ժամանակ ՄԿՎԻ փորձագետ Մարինա Հակոբյանը ներկայացրեց ՁորաՀԷԿ-ի զարգացման հիմնական ուղղությունները, ՀԷԿ-ի արտադրանքի սպառման կառուցվածքը, կայանի գործունեության բնապահպանական ասպեկտները և շրջակա միջավայրի վրա ազդեցության զրոյացման ուղղությամբ իրականացվող աշխատանքները։
Ձորագետի հիդրոէլեկտրակայանը գտնվում է Ձորագետի ափին Հայաստանի Լոռու մարզի նույնանուն գյուղի հարևանությամբ։ Այն սկսեց գործել 1932 թվականի նոյեմբերի 15-ին՝ ունենալով 22,32 ՄՎտ նախնական դրվածքային հզորություն: Ներկայում կայանում գործում է երեք գեներատոր՝ ապահովելով 26,2 ՄՎտ հզորություն: Չնայած իր ոչ մեծ հզորությանը՝ կայանն ունի նաև շաբաթական կարգավորման ջրավազան։
Աղբյուրը՝ ECTI
Պատկերը՝ Dzoraget Hydro: Cooperation and Investment Possibilities