Պատկերը՝ Sierra Estrella Energy/Salt River Project
ԱՄՆ Արիզոնա նահանգում տեղի ունեցավ Salt River Project (SRP) և Plus Power ընկերությունների նոր նախագծերի հիմնարկեքը: 250 ՄՎտ հզորությամբ Sierra Estrella էներգիայի կուտակիչ կայանը, որը գտնվում է Արիզոնա նահանգի Ավոնդեյլ քաղաքում SRP-ի ցանցով կապված ամենամեծ մարտկոցն է նահանգում: Ակնկալվում է, որ Արիզոնա նահանգի Գիլբերտ քաղաքում գտնվող 90 ՄՎտ հզորությամբ Superstition էներգիայի կուտակիչ կայանը ևս շուտով կգործարկվի։
Երկու կառույցներն էլ հագեցած են Tesla լիթիում-իոնային մարտկոցների էներգիայի կուտակիչ համակարգերով: Plus Power-ն աշխատել է Գիլբերտի և Ավոնդեյլի հրշեջ բաժանմունքների հետ արտակարգ իրավիճակների արձագանքման պլանի վրա՝ ապահովելով տեղական առաջին արձագանքողների ներգրավվածությունը նախագծման, շինարարության, շահագործման և վերապատրաստման փուլերում:
Բացի այդ, երկու նախագծերն էլ ներառված են դաշնային ներդրումների հարկային աջակցության ծրագրում՝ համաձայն գնաճի նվազեցման օրենքի (IRA):
Երբ երկու կայանքներն էլ գործարկվեն, SRP համակարգը կունենա մոտավորապես 1300 ՄՎտ կուտակիչ հզորություն։
Ընկերությունը նպատակ ունի նվազեցնել արտանետումները (2005 թվականի մակարդակի համեմատ) ավելի քան 65 տոկոսով մինչև 2035 թվականը և 90 տոկոսով՝ մինչև 2050 թվականը: Որպես այս ծրագրի մաս, SRP-ն մինչև 2032 թվականը կապագործարկի ածուխով աշխատող մոտավորապես 2600 ՄՎտ արտադրական հզորություններ:
Աղբյուրը՝ Power Engineering